Moti i keq dhe reshjet e dendura të shiut kanë pushtuar të gjithë Shqipërinë duke sjellë përmbytje dhe probleme me qarkullimin e automjeteve ku shumë akse kombëtare janë të pakalueshme.
Mëngjesin e sotëm rreziku është shtuar edhe në Tiranë pasi është rritur niveli i lumit Lana. Për pasojë, lumi është fryrë, me rritje të dukshme të prurjeve të ujit përgjatë gjithë shtratit të tij.
Aktualisht uji vijon të rrjedhë brenda shtratit të lumit, ndërsa situata po monitorohet me kujdes nga autoritetet. Momentalisht për shkak të prurjeve të mëdha lumi Lana rrezikon të dalë nga shtrati duke sjellë rrezik të shtuar për përmbytje edhe në kryeqytet.
Gjatë 24 orëve të fubdit, Durrësi, Shkodra, Kavaja, Lezha, Gjirokastra kanë qenë nën pushtetin e ujit pasi reshjet intensive kanë shkaktuar përmbytje masive të banesave dhe bizneseve.
