Një aksident me pasojë vdekjen është regjistruar paraditen e sotme në fshatin Kurtin, në Lushnjë.
Një 60 vjeç ka qenë duke udhëtuar me motor, kur dyshohet se ka humbur kontrollin dhe është rrëzuar, duke u përplasur në tokë.
Si pasojë e përplasjes, 60-vjeçari ka humbur jetën në vend. Sipas të afërmve, viktima vuante nga probleme të zemrës, ndaj dyshohet se aksidenti mund të jetë shkaktuar nga një atak kardiak i mundshëm gjatë drejtimit të mjetit, raporton “A2 CNN”.
Në vendngjarje ka mbërritur Policia Rrugore, e cila ka nisur hetimet për zbardhjen e plotë të rrethanave të ngjarjes.
