Autoriteti Rrugor Shqiptar njofton se më datë 13 dhe 14 Janar, rampa që të çon nga autostrada e Tiranës drejt Aeroportit të Rinasit, do të jetë e bllokuar në oraret e natës deri në mëngjes, për shkak të ndërtimit të mbikalimit të ri.
Për shkak të punimeve që po kryhen nga Autoriteti Rrugor Shqiptar për ndërtimin e mbikalimit të ri në Qafë Kashar, do të ketë bllokim të rampës në drejtimin Tiranë → Rinas, në intervalin:
– Ora 20:00 – 06:00, për datat 13–14.01.2026.
Në këto kushte, qarkullimi i mjeteve drejt Aeroportit të Rinasit do të realizohet përmes rrugëve alternative:
– Vorë – Fushë Krujë (kthesa e Rinasit)
– Rruga dytësore
– Tiranë – Kamëz – Valias – Rinas
– Rruga Kashar – Thumanë, e ndërtuar nga koncesionari
Autoriteti Rrugor Shqiptar kërkon mirëkuptimin e drejtuesve të mjeteve, të cilët duhet të ndjekin sinjalistikën provizore dhe të planifikojnë lëvizjen në kohë, në mënyrë që të mos krijojnë vonesa apo probleme për udhëtimet e tyre nga Rinasi.
