Para protestës kombëtare të paralajmëruar nga Partia Demokratike, lëvizjet janë intensifikuar rreth godinës së kryeministrisë në Tiranë.
Më hyrjet kryesore të institucionit janë vendosur barriera metalike dhe elementë të tjerë sigurie, në kuadër të masave për garantimin e rendit dhe sigurisë publike gjatë zhvillimit të protestës.
Ndërkohë mbremjen e djeshme, kryeministri Edi Rama është parë duke u larguar nga zyra e tij pas orës 20:00 ndërsa më herët, Policia e Tiranës njoftoi planin e masave të sigurisë dhe rrugët që do të bllokohen gjatë zhvillimit të tubimit.
Sipas Sali Berishes, kjo protestë do të jetë pa ndalim deri në rrëzimin imagjinar të qeverisë ndërsa nuk janë mohuar dhe skenarët e tjerë deri në arritjen e grevës së urisë.
Protesta është kombëtare çka pritet pjesëmarrja e qytetarëve dhe nga rrethet, por sesa do të jetë prezenca reale kjo mbetet për tu parë. Nëse i referohemi foltoreve që Berisha organizon prej disa javësh poshtë zyrës së Ramës, mbështetja nga militantet ka qenë çdo javë në rënie.
