Kryeministri Edi Rama ka ndarë në rrjetet sociale një video të regjistruar një ditë më parë në Bulevardin “Dëshmorët e Kombit”, ku në të njëjtën kohë shihen protestues që marshojnë drejt Kryeministrisë dhe qytetarë të tjerë që luajnë basketboll.
Përmes postimit, kreu i qeverisë e cilëson këtë një “pamje europiane të lirive të barabarta”, duke theksuar se secili zgjedh mënyrën se si dëshiron të kalojë kohën e lirë.
“Mirëmëngjes dhe me këtë pamje europiane të Tiranës së lirive të barabarta e shijeve të ndryshme për kohën e lirë, ju uroj një ditë të paqtë”, shkruan Rama në postimin e tij teksa publikon videon me poshte:
