Kryeministri Edi Rama ka prezantuar një “sistem të ri” për Prokurorimet Publike, të bazuar tashmë tek inteligjenca artificiale.
Sipas Ramës, tashmë do të jetë Ministrja Diella, ajo e cila do të bëjë punën, dhe të gjitha të dhënat do të mund të merren vetëm me një klikim.
“Projekti ynë është i pari, i këtij lloji sepse synon që të gjithë elementët e procesit t’i vendoisë në një zinxhir, dhe të mundësojë prokurimin me inteligjencë artificiale, në një masë shumë të madhe të procesit. Dhe të bëjë të mundur që asnjë biznes të mos detyrohet më të mbledhë letra lartë e poshtë, asnjë nënpunës të mos ketë më në dorë të luaj me letrat e biznesit, por të gjitha të dhënat të mblidhen nga vetë Diella prej mbi 40 regjistrave publikë që tanimë janë të digjitalizuar dhe pastaj të jenë në dorën e biznesit për ti aktivizuar vetëm me një klik, një proces që do të shkojë nga studimi i tregut, tek dorëzimi i ofertave, monitorimi i kontratave dhe ccdo ndërveprim do të jetë vetëm në ekran, totalisht transparent dhe i gjurmueshëm”, u shpreh ndër të tjera Kryeministri.
“Kjo do të bëjë që për insitucionet publike të mbyllet njëherë e mirë kapitulli i problematikeve për specifikimet. Diella do ta bëjë të gjithë këtë volum me algoritme inteligjente, shpejtë sakt dhe paanshëmërisht, por e përsëris i gjithë procesi do të jetë i gjurmueshëm . Për këto që do të ketë pretendime do të jetë e mundur që të kthehet për të parë të gjithë procesin manualisht” shtoi ai më tej.
