Stuhi me reshje të dendura shiu ka përfshirë pasditen e sotme disa zona të Elbasanit, teksa rrugët shihen të përmbytura pasi uji ka vërshuar duke penguar qarkullimin.
Banorët raportojnë se rrugët janë mbushur me ujë në një kohë shumë të shkurtër, duke vështirësuar ndjeshëm qarkullimin e këmbësorëve dhe automjeteve.
Kjo situatë është kthyer në një problem të përsëritur sa herë ka reshje, duke ngritur pikëpyetje mbi gjendjen e rrjetit të kanalizimeve, kapacitetin e tij për përballimin e reshjeve.
Pas reshjeve të dendura tê shiut, uji ka mbuluar disa akse të zonës në Elbasan, duke krijuar vështirësi për banorët dhe drejtuesit e automjeteve.
