Ervin Karamuço ka folur për pamjet që ka shpërndarë Partia Demokratike, ku shumë të rinj, në dukje gjimnazistë dhe studentë shfaqen të shtrirë në ambiente të komisariateve të ndryshme.
Profesori i kriminalistikes tregoi se kapacitetet që policisë janë në limite. Madje zbuloi se kanë hapur edhe zyrat e punonjësve të administratës, duke i vendosur aty.
“Të gjitha dhomat e komisariateve kanë qenë mbi kapacitetet e djeshme. Nuk ka më vende. Janë porositur dyshekë, më thoshte një oficer policie, se nuk kemi ku t’i vëmë. Ore i thashë unë, nxirrini çfarë nuk paraqet rrezikshmëri, të tjerët, nesër disa nga këta dalin në gjykatë. Mendoj se do t’i japin zgjidhje. Kjo është e pakonceptueshme në një… ku e di unë. Pra kanë hapur zyrat e atyre që punojnë dhe kanë futur njerëzit. S’kanë çfarë bëjnë. Ky është kapaciteti i vërtetë i Policisë së Shtetit”, tha Karamuco.
