Deputeti socialist Taulant Balla ka reaguar pas sulmit që tentuan protestuesit ndaj selisë së Partisë Socialiste.
Në një reagim në rrjetet sociale, Balla i drejtohet kreut të opozitës, Sali Berisha, Agron Shehajt dhe Arlind Qorit që t’i largojë njerëzit nga aty, teksa shton se të gjithë ata që protestojnë janë njerëz të paguar.
“O SALI LARGOJI URGJENT NJERËZIT QË ÇOVE TEK SELIA E PARTISË SOCIALISTE! Janë të gjithë njerëzit e tu të paguar nga ti dhe nga Agron Shehaj, Arlind Qorrri dhe duart e huaja. Kush donte prova e kujt është protesta besoj e morët”- shkruan Balla.
Kujtojmë se pak më herët, disa protestues tentuan të sulmonin selinë e Partisë Socialiste, duke thyer edhe disa xhama. Por detaji më i rëndë, ishte fakti se në momentin e sulmit, nga selia dolën disa persona civilë me shkopa në duar.
