Ministri i Brendshëm Ervin Demo deklaroi në krah të kryeministrit se janë duke përdorur teknologjinë AI për të identifikuar të gjithë personat që kanë ushtruar dhunë ndaj institucioneve publike dhe private. Ministri deklaroi se janë qindra orë filmime marrë nga rrjetet sociale dhe televizioneve.
Kryeministri Edi Rama dhe ministri Ervin Demo kanë dalë para qytetarëve për të dhënë mesazhin e tyre. Edi Rama tregoi për telefonatën me një pedagog të Mjekësisë që ka pasur ditën e djeshme, duke e ftuar për dialog dhe duke e dëgjuar.
Ndërkohë, pak minuta më pas, në orën 12:00 do të nisë nën zyrën e tij tubimi i lajmëruar nga Partia Demokratike. Ndërkohë, në orën 14:00, është paralajmëruar edhe një revoltë kombëtare nga studentët.
“Identifikimit të personave të dhunshëm që kanë marë pjesë në protestën e fundit. Po përdoren të gjitha burimet, rrjetet sociale, janë përfshirë gjithë imazhet e institucioneve publike e private që janë dhunuar. Ne kemi dita ditës raste që janë identifikuar edhe pse ata kanë pasur maska. Policia e shtetit është e qartë për personat që kanë ushtruar dhunë. Këtu shohim disa prej tyre të maskuar. Kamerat e televizioneve kanë dëshmuar dhunën. Ajo që kemi realizuar përmes teknologjisë në qindra orë filmimi dhe kemi identifikuar personat e dhunshme që kanë kryer aktet e dhunshme. Prandaj dua të garantoj gjithë qytetarët që policia e shtetit do të punojë per të cuar para drejtësisë të gjithë ata që kanë dëmtuar pronën publike e private“, tha ministri.
