Kreu i Grupit Parlamentar të Partisë Socialiste Taulant Balla, në fjalën hapëse në mbledhjen e 21-të që u zhvillua në Strasburg, theksoi se Shqipëria ka hyrë në fazën vendimtare të anëtarësimit në BE.
Ndërsa theksoi se investimet amerikane në Zvërnec do të zhvillohen sipas standarteve mjedisore europiane.
“Mesazhi im sot në Parlamentin Europian. Projekti turistik i Zvërnecit do të bëhet sipas standardeve më të mira mjedisore europiane” shkroi Taulant Balla në postimin e bërë pasditen e kësaj të mërkure në Facebook.
Ndërsa gjatë fjalës së tij në mbledhje, Balla tha se Shqipëria pritet të zhvillojë përmbylljen e 3 kapitujve të negociatave dhe zhvillimin e Konferencës së radhës Ndërqeveritare, që është një nga pikat kryesore të integrimit europian.
Më tej, Balla bëri me dije se progresi i arrirë në muajit e fundit pasqyron transformimet e realizuara në fushat kryesore të një vendi, përfshirë këtu: shteti i së drejtës, institucionet demokratike, administrata publike, të drejtat themelore, siguria, zhvillimi i qëndrueshëm dhe turizmi.
