Deputetja e PD-së, Jorida Tabaku gjatë një interviste televizive, është pyetur në lidhje me garimin për kreun e Bashkisë Tiranë.
Tabaku tha se ka nostalgji për Bashkinë e Tiranës, po për të është në të shkuarën dhe i ka marrë maksimumin asaj eksperience.
“E kujtoj me nostalgji bashkinë e Tiranës, por është vendi që ka një natyrë tjetër pune, përballje. Për mua është në të shkuarën, i kam marrë maksimumin asaj eksperience. Kënaqësia e momentit lidhej me faktin që njerëzit mendonin se unë mund ta fitoja. Për mua nuk ka kënaqësi më të madhe sesa mendimi i anëtarëve të PD, qytetarët që unë mund ta bëja. Por për mua këtë vit ishte mjaft”, tha Tabaku.
