Për javën që presim përpara, vendi ynë do të ndikohet nga kushte të qëndrueshme atmosferike dhe ditë “tipike” vere me orë të bollshme me diell dhe temperatura jo tepër të larta si në vlerat minimale ashtu dhe ato të mesditës.
Në këtë mënyrë moti për të gjitha ditët e javës parashikohet i kthjellët në pjesën më të madhe të territorit dhe për pjesën më të madhe të ditës. Thënë kjo pasi në ditët e para të javës nuk do të mungojnë alternimet e vranësirave kalimtare të cilat në relievet malore do të shoqërohen me reshje shiu të dobëta dhe të izoluara.
Vlen për tu theksuar se për adhuruesit e plazhit elementi i erës mund të jetë “problematik”. Në orët e mesditës deri ato të pasdites në bregdet era do të fryje me itensitet 7-8m/s. Surpriza mund të vijë përgjatë fundjavës tjetër (5-6 gusht) pasi priten reshje të dendura shiu madje në disa zona dhe me intenistet të lartë.
