Kismet Meta është përmendur nga Kryeministri Edi Rama si personi që e anëtarësoi në Partinë Socialiste.bVideoja ku Edi Rama shpreh vlerësimin për Kismet Metën po bën xhiron e rrjetit.
Kismet Meta kujton edhe një herë kohën kur Edi Rama u propozua dhe më pas u votua për të qenë pjesë e PS-së.
“Pranimet në parti nuk i bën individi, i bëjnë organizatat e partisë, por unë e vlerësoj shumë për konsideratën. Merita ime e vetme ishte që mblodha organizatën dhe e propozova. Unë isha drejtori i organizatës 17-13, kështu ishte e ndarë. Isha kryetar sepse isha banor i asaj zone dhe Edi Rama dikur ishte me qira aty, prandaj kandidoi aty. U mblodhëm me shumë entuziazëm sepse po pranonim një kryetar bashkie. Edi Rama ishte një personalitet“, u shpreh Kismet Meta.
