Po zhvillohet në Tiranë takimi i 18-të i Komisionit Parlamentar të Stabilizim-Asociimit BE-Shqipëri. Në këtë takim marrin pjesë 10 deputetë të Parlamentit Evropian, të cilët ulen bashkë me Parlamentin Shqiptar.
I pranishëm në këtë takim, eurodeputeti grek Fredi Beleri nuk pati shansin të takohet as “sy më sy” me Edi Ramën, pasi kryeministri e shmangu përballjen mes tyre.
Madje Beleri qëndroi për disa minuta në pritje në derën e Kryesisë së Kuvendit e cila ishte mbyllur pasi eurodeputeti grek shkoi me vonesë në takim duke shmangur kështu përballjen me Edi Ramën.
Pak ditë më parë i pyetur nga mediat greke në lidhje me këtë takim, Beleri zbuti tonet me kryeministrin Rama dhe tha se “ai bën punën e tij, dhe unë timin”.
