Aktorja Delinda Disha ka zyrtarizuar kandidaturën e saj të pavarur për postin e kryetares së Bashkisë Tepelenë.
Duket se aktorët e estradës shqiptare po synojnë politikën pasi kanë braktisur rolet e humorit, kujtojmë këtu Florian Binajn që po kandidon për bashkinë Tiranë. Më herë Erion Isai, ish-aktor e tashmë kryebashkiak i Ersekës i përfunduar në SPAK.
Lajmin e ka shpërndarë vetë aktorja në rrjetet sociale, duke shprehur entuziazëm për këtë kapitull të ri në jetën e saj profesionale dhe personale. Rikujtojmë se Disha e ftuar në fushatën elektorale të PS në zgjedhjet e 11 Majit “i lexoi filxhanin” Edi Ramës duke i thënë se PS do të dilte fituese e më pas shpalli kandidaturën e pavarur pas dorëheqjes nga bashkia Tepelenë e Tërmet Peçit për t’u bërë deputet.
“Jam e lumtur të ndaj me ju lajmin si kandidate e pavarur për kryetare në Bashkinë Tepelenë” shkroi Delinda Disha në njoftimin e saj publik.
