Ambasadorja e SHBA, Yuri Kim ka ndarë për shqiptarët urimin e saj në këtë ditë të fundit të vitit 2022 dhe në prag të Vitit të Ri 2023.
Ajo thotë se viti që po lëmë pas ishte i jashtëzakonshëm dhe 2023 do të jetë edhe më i mirë. Teksa uron gëzuar në gjuhën shqipe, diplomatja e lartë amerikane bën dhe një bilanc të vitit 2022.
“Në ditën e fundit të vitit 2022, duam të falënderojmë shqiptarët që festuan me ne 100-vjetorin e marrëdhënieve diplomatike midis Shteteve të Bashkuara dhe Shqipërisë gjatë gjithë vitit të kaluar. Ishte një vit i jashtëzakonshëm plot me ngjarje në nder të këtij njëqindvjetori të veçantë. Bashkohuni me ambasadoren Yuri Kim teksa kthehemi pas në çastet kryesore. Gëzuar Vitin e Ri”, shkruan Ambasada e SHBA në Facebook.
