Analisti Andi Bushati u deklarua i prerë për qëndrimin që duhet të mbajë opozita në zgjedhjet e pjesshme vendore në disa bashki të vendit.
Bushati u shpreg se opozita nuk duhet të marrë pjesë në zgjedhje sepse e ka të garantuar humbjen e thellë, duke qenë se në Shqipëri është vendosur një sistem autokratik dhe nuk ka garë dhe as zgjedhje.
“Po si të gjejnë kandidat? Kur e di që do të më vjedhin, do të më masakrojnë, për çfarë të shkoj? Të kem shpresën që do të ketë një garë deri diku të pranueshme, është tallje me vetveten. Opozita le të futen po të duan, por ta them unë rezultatin që tani: “Humbje e thellë”. Opozita e di unë pse nuk duhet të hyjë. Se nuk ka zgjedhje, o njerëz! Duhet t’i thërrisni mendjes. Ai ka paratë nga tenderat, paratë publike, ai do të fitojë. Edhe garën mes të vegjëlve do ta marrë ai që furnizohet me paratë që iu merren shqiptarëve. Harrojeni, se jemi në një teatër absurd. Bëjmë sikur ka demokraci, zgjedhje, votat numërohen, njeri nuk blen, nuk shet, njeri nuk përdor bandat dhe ne komentojnë normalitetin“, tha Bushati.
