Dinamikat dhe zhurma e madhe që ka krijuar “Big Brother VIP Albania” nuk e ka lënë indiferent as këngëtarin Butrint Imeri. Artisti nga Kosova, i cili prej vitesh përflitet për një lidhje dashurie me moderatoren nga Shqipëria, tani banore në BBVA, Kiara Tito, ka bërë një veprim të papritur ndaj saj.
Pas spektaklit të mbrëmshëm (e shtunë), Butrinti ka postuar një imazh të Kiarës në llogarinë e tij të Instagramit. Butrinti shpërndau një imazh nga profili i Kiara Titos dhe sipër vendosi një “emoji’ kurore që ka kuptimin e një “mbretëreshe”.
Moderatorja që nga hyrja në BBVA ka qenë në fokus të banorit tjetër, këngëtarit Luiz Ejlli, i cili po tenton në çdo mënyrë që ta bëjë për vete. Ndërkohë, historinë e dashurinë me Butrintin, Kiara e ka përmendur ditë më parë me disa prej banorëve.
