Fredi Beleri do të betohet si Eurodeputet në Parlamentin Europian.
Burime nga drejtoria e burgjeve i konfirmuan “Top Channel” se është mirtaruar leja që Beleri të dalë përkohësisht nga qelia e burgut dhe të udhëtojë drejt Strasburgut (Francës) që të bëjë betimin pasi nuk ka ndonjë pengesë ligjore tashmë që ka marrë një dënim të formës së prerë.
Gjithashtu edhe sipas mediave greke, Fredi Belerit i jepet leja nga autoritetet shqiptare për t’u betuar si eurodeputet në Strasburg. Sipas gazetës “Kathimerini”, Beleri do të fluturojë mëngjesin e së hënës drejt Athinës dhe më pas do të transferohet në Strasburg.
Vetëm pak ditë më parë, Athina i kërkoi zyrtarisht leje Tiranës që Fredi Beleri të shkonte në Strasburg për të marrë pjesë në seancën hapëse të parlamentit të ri europian, më 16 Korrik.
