Ministri i Brendshëm, Taulant Balla komentoi paralajmërimin e opozitës për grevë urie në parlament. Ai thotë se skenarët për kaos në Kuvend kanë një autor, duke nënkuptuar indirekt Sali Berishën, fundi i të cilit nuk do të jetë fitimi i garës.
Ministri i Brendshëm e ka cilësuar opozitën e sotme të ndarë në shumë pjesë, që ka një destinacion njësoj si kali i zi në betejat pa fitore.
“Duhet t’i kalojmë në heshtje, të kuptojmë që gjithçka qe ndodh nga pjesët ë opozitës është një përsëritje prej shumë vitesh e të njëjtit skenar me të njëjtin autor. ‘Kali i zi’ se ka fituar asnjëherë garën”-tha Balla.
Deputetët e Sali Berishës dhe Gazment Bardhit kanë shkaktuar kaos në Kuvend. Ata bllokuan hyrjen e deputetëve të Grupit Parlamentar të PS dhe hoqën kartat e tyre nga pajisjet elektronike të votimit, duke bllokuar më pas vendet ku ulet Kryetarja e Kuvendit dhe Kabineti Qeveritar, si dhe portat hyrëse të tyre duke vendosur karrige.
