Ish-presidenti Bamir Topi thotë se situata në PD është një histori turpi dhe pa shpresë. Sipas tij, shpresë nuk ka as te lidershipi i ri dhe as te i vjetri, pra as te Alibeaj dhe as te Berisha.
Bamir Topi thotë se nëse opozita humbet qendrat e mëdha urbane, ka humbur zgjedhjet në kuptimin politik të fjalës.
“Historia e PD i ngjan një anekdote. Një histori e turpshme që vjen në pikën fundore. Të them që kanë shpresë, nuk kanë asnjë shpresë. Nuk ka shpresë as i vjetri, as i riu. Mos mendoni se kam ambicie për tu kthyer në atë ambient. Kur flasim për opozitë nuk kam parasysh ata batakçinjtë por njerëzit që kanë nevojë për një opozitë por nuk e kanë. Nëse fiton një bashki këtu, një atje, çfarë vlen? Nëse një parti politike humbet qendrat e mëdha urbane ka humbur në kuptimin politik të fjalës. Zgjedhjet lokale janë tregues por ajo që e përcakton janë zgjedhjet politike dhe nuk janë larg”, tha Topi.
