Analisti Arian Curri bëri një zbulim që askush nuk e priste dhe tregoi më shumë detaje mbi vendndodhjen e Arben Ahmetajt.
Curri u shpreh se ish-ministri ka marrë dhe një shtëpi komode në shtetin zviceran të denjë për staturën e tij.
“Arben Ahmetaj ka fituar azil në Lugano të Zvicrës. Ka gjetur dhe një banesë komode për staturën e zotit Ahmetaj. Në Angli ishte pak, ose shumë pak sa për të zhdukur vëmendjen. Organet e drejtësisë të mos bëjnë ping-pong, por të bëjnë punën e tyre”, u shpreh analisti.
Kjo deklaratë e Arjan Currit erdhi pasi ai citoi kryeprokurorin Altin Dumani, i cili gjatë një takimi informal me gazetarët ishte shprehur se nuk e dinte ku ndodhej Arben Ahmetaj.
