Kryeministri grek, Kyriakos Mitsotakis ka komentuar çështjen “Beleri” per të cilin kërkon me urgjencë që të lejohet të kryejë betimin si kryebashkiak i Himarës.
Mitsotakis ka një mesazh urgjent për homologun e tij Edi Rama por nuk harron të përmendë sërish “kërcënimet” për integrimin e Shqipërisë në Bashkimin Europian.
“Fatkeqësisht ceshtja Beleri hedh një “hije” mbi marrëdhëniet dypalëshe mes Shqipërise dhe Greqise dhe përmbys në një masë të madhe progresin e rëndësishëm që kemi bërë në 4 vitet e mëparshme. Më duhet t’ju them se më shqetëson veçanërisht fakti jo vetëm i burgosjes së Belerit por mbi të gjitha fakti që edhe sot Shqipëria refuzon t’i japë mundësinë Belerit edhe nga burgu për t’u betuar si kryetar bashkie. Është një mesazh që unë ia kam përcjellë në çdo mënyrë udhëheqjes së Shqipërisë (Edi Ramës). Heqja e mundësisë së Fredi Belerit për t’u betuar si kryetar bashkie përbën shkelje të qartë të rregullave të shtetit ligjor, krijon probleme të mëdha në marrëdhëniet tona dypalëshe dhe mendoj se do të ketë pasoja më të gjera ndaj Shqipërisë për t’iu afruar familjes evropiane”, tha Mitsotakis.
