Vëllai i Fredi Belerit, Leonardi, ka folur për mediat greke pasi gjykata e Fierit liroi eurodeputetin grek nga burgu duke i falur 6 javë që i kishin mbetur për të vuajtur dënimin.
Vellai i Belerit ka reaguar duke folur “broçkulla” për mediat në Greqi, madje pretendon se ky ishte “plan i Ramës”.
“Sigurisht që drejtësia do të jetë kur ai të shfajësohet nga gjykatat europiane ku do të vërtetohet pafajësia e tij. Plani që u krijua nga regjimi i Ramës me të vetmin synim për të kapur bashkinë e Himarës ishte shumë i dukshëm”, shtoi vëllai i Belerit.
Beleri qëndroi në burg për 16 muaj, kishte bërë kërkesën për lirimin nga qelia në muajin korrik pasi kishte kryer 2/3 e dënimit. Pas vendimit të gjykatës, Fredi Beleri është transferuar në burg për përmbylljen e procedurave dhe pritet të lirohet rreth orës 16.00.
