Deputeti i Partisë Socialiste, Petro Koçi ka folur në lidhje me arrestimin e ish-kryebashkiakut të Durrësit, Vangjush Dako.
Mes të tjerave, Koçi u shpreh se nëse dikush ka kryer akte që kanë pasur mbrapa korrupsion, duhet të ketë ndëshkim dhe se SPAK-u nuk duhet të druhet nëse dikush ka qenë kryetar Bashkie apo rol tjetër për të vijuar hetimet.
“Vangjush Dako nuk është Sali Berisha. Ku krahasohen dot përgjegjësitë politike të tyre. Në peshoren e personit nuk krahasohen dot, as për non-gratën. Flas si peshë politike. Peshk i madh është Berisha dhe Meta. Nuk e di kush e ka quajtur cironkë. Për mua çdo akt që ka mbrapa korrupsion duhet ndëshkuar, pavarësisht se kush e bën. Për mua SPAK nuk ka pse druhet se iksi ka qenë kryeministër apo kryetar bashkie”, tha Koçi.
