Duke folur për mediat pas protestës të mbajtur para Kryeministrisë ditën e sotme, Sali Berisha refuzoi që të komentonte zhvillimet që po ndodhin në Gjykatën e Apelit për çështjen e vulës së PD-së.
Ndërsa, audion e bërë publike së fundmi si provë për 21 janarin, Berisha përsëriti edhe një herë qëndrimin e tij se bëhet fjalë për fabrikime të Ardi Veliut.
“Nuk bëj asnjë diskutim paraprak për gjykatën. Ishim për Edi Ramën, jo për gjykatën. Atë kemi armik numër një. Ky është revolucion! Edi Rama duhet të ishte në burg për 21 Janarin. Ka dokumente të pakontestueshme. Nëse ne shpallim një audio-përgjim pa u dëgjuar gjë, atëherë kemi bërë krim”, tha Berisha.
