Pas protestës së parë kombëtare, të zhvilluar më 22 dhjetor, Partia Demokratike ka shtyrë për në janar tubimin e radhës për “rrëzimin imagjinar” të Edi Ramës.
Me sa duket festat e fundvitit kanë ndryshuar planet e opozitës, e demokratët kanë “vendosur ta bëjnë pushim” e të rikthehen në Janar, ku edhe premtojnë se kur të kthehet do të jetë çdo natë në shesh.
Këtë e ka bërë të ditur vet Sali Berisha, i cili në një takim me simpatiantët në Manëz të Durrësit u shpreh se Rama mund të largohet vetëm nëpërmjet sheshit.
Ai po ashtu u shpreh se rruga e duhur nuk është dhuna por qëndresa: “Të mos mendojmë se rruga është dhuna, jo. Rruga është qëndresa jonë, sheshet. Sheshi duhet të jetë i yni dhe Edi Rama ikën si mi.”
“Pra, hyjmë në vitin 2026 me një mision, si misionarë, si fatmëdhenj që kemi mundësi të përmbysim një diktaturë të dytë në Shqipëri”, shtoi Berisha.
