Partia Demokratike e drejtuar nga Sali Berisha, thotë se procesi i zgjedhjes së kreut të ri të SPAK është njollosur.
Në asnjë rresht të kësaj deklarate, nuk përmendet drejtuesi i ri Altin Dumani, edhe pse PD haptas nuk e njeh procesin.
“Procesi i zgjedhjes së drejtuesit të ri të SPAK u njollos që në nisje të saj dhe si i tillë është i pabesueshëm. Përplasja për drejtuesin e SPAK mes Yuri Kim dhe Edi Ramës nuk është shenjë se drejtësia është e pavarur, por se ajo është kapur. SPAK po përdoret në mënyrë antiligjore, anikushtetuese për gjah ndaj opozitës dhe shënon kapjen dhe dështimin e plotë të reformës sorosiane të drejtësisë në Shqipëri. Me këto fakte të pakundërshtueshme, SPAK është thjeshtë një seksion i Partisë Socialiste”, thuhet ndër të tjera në reagimin e PD-së së Sali Berishës.
