Kancelari i ri i Gjermanisë, Friedrich Merz ka uruar në gjuhën shqipe kryeministrin Edi Rama, për rizgjedhjen e tij dhe për një mandat të katërt në krye të vendit.
“Urime Edi Rama, për rizgjedhjen tuaj në Shqipëri. Shumë urime! Pres me padurim bashkëpunimin tonë të vazhdueshëm dhe takimin tonë të parë në takimin e Komunitetit Politik Evropian në Tiranë të premten“, shkruan kancelari Friedrich Merz.
Kreu i qeverisë gjermane do të jetë në Tiranë, në Samitin e Komunitetit Politik Europian, bashkë me krerët e shteteve europiane.
Ajo që bie në sy në këtë urim të veçantë të Friedrich Merz është urimi i ngrohtë për kryeministrin Edi Rama, ndërkohë që pak ditë më parë kur ai u zgjodh kancelar, Sali Berisha e uroi menjëherë dhe tha se ai ishte mik i tij dhe Partisë Demokratike.
