Gazetari Blendi Fevziu duke folur për SPAK dhe reformën në drejtësi, deklaroi se ka edhe një element të spektaklit në arrestimet e SPAK.
Fevziu foli edhe për lajmet e fundit që kanë qarkulluar, për paraqitjen e zv.kryeministres Balluku në SPAK, të cilat i quajti të papëgjegjshme, pasi nuk ka asnjë informacion zyrtar, por vetëm hipoteza për të cilat tha se është “shokuar”.
Blendi Fevziu: “Për Ballukun nuk dimë gjë akoma. Sot do të kisha emision për Ballukun, por asnjë nga gazetarët seriozë, nuk mund të vijnë në studio dhe të flasin për një hipotezë. Ne nuk kemi deklaratën. Pra pa patur deklaratën, po të shohësh mediat online, shokohesh. Disa flasin për tunelin e Llogarasë, që nuk e di a ka ministrja përgjegjësi pasi është ARRSH, disa flasin për supervizimin, disa për anijet, disa të tjerë për gjë tjëtër. Në këtë mes dhe këtë e quaj papërgjegjshmëri, ne dimë deri tani, që ka një lajm të dalë nga mediat që Balluku do të thirret, për ti komunikuar akuzë apo për ta marrë të pandehur. Se për çfarë nuk e di, nuk mund të ngremë hipoteza”.
