Vasil Shabani ka rënë në prangat e policisë në Pukë për veprën penale “Korrupsioni në zgjedhje”. 47 vjeçari u dënua nga Gjykata me 8 muaj burgim për korrupsion gjatë zgjedhjeve të vitit 2021 për partinë Lëvizja Socialiste për Integrim, aktualisht Partia e Lirisë. Ai ishte lënë në gjendje të lirë por gjykata dha dënimin me 8 muaj burg më 10 Janar të këtij viti.
“Në bazë të informacioneve të marra në rrugë operative, policia ndalon shtetasit Vasil Shabani, 47 vjeç, banues në fshatin Buzhalë, Pukë. Gjykata e Posaçme Kundër Korrupsionit dhe Krimit të Organizuar, Tiranë, me Vendim Penal datë 10.01.2023, e ka dënuar këtë shtetas me 8 muaj burgim, për veprën penale “Korrupsioni aktiv në zgjedhje”, thuhet në njoftimin e policisë.
Kujtojmë që Vasil Shabani u arrestua nga policia në Prill të vitit 2021 pasi gjatë kontrollit në automjetin e tij u gjetën 528.000 lekë (të rinj), për të cilat nuk justifikonte burimin, si dhe një fletë e ngjashme me formatin e fletës së votimit, shkruan Abc News.
