Kualifikimi në gjysmëfinalet e Kupës së Botës ka entuziazmuar Lionel Mesin, por njëkohësisht edhe ka tensionuar futbollistin argjentinas. Ylli i përfaqësues latino-amerikane, nuk e mbylli me festë ndeshjen, por me sherr.
Ai shkoi para pankinës së Holandës ku gjendeshin Van Gal dhe Edgar Davids, duke nisur një sherr të mirëfilltë me këtë të fundit. Mesi u desh të largohej nga shokët e skuadrës të cilët e ndanë nga stoli i holandezëve.
Edhe duke folur për mediat në fund të sfidës, Mesi u shfaq shumë i nervozuar dhe në momentin kur Davids i kaloi para, ai nuk ngurroi t’i drejtohej me një “çfarë ke që sheh” ish-mesfushorit holandez i cili është pjesë e stafit të Holandës.
