“Një listë e re me 12 persona të shpallur ‘non grata’ nga Britania e Madhe ka mbërritur në Shqipëri dhe u është dorëzuar autoriteteve shqiptare”.
Kështu deklaroi deputeti demokrat Dashnor Sula në Report Tv, ku tha se 10 janë nga radhët e mazhorancës, ku ndër to përfshihen zyrtarë të nivelit të lartë si ministra e ish-ministra si dhe 2 nga opozita.
“Ka ardhur një listë e re nga Britania e Madhe. Janë 12 emra, 10 mazhoranca 2 opozita. Tek opozita janë në nivel normal e në nivele të ulëta, ndërsa tek mazhoranca janë në nivele shumë të larta, deputetë, ministra dhe shumë të tjerë. E ka njoftimin qeveria! A ka normalitet që të flitet për ‘non grata’. I ke edhe ish-ministra edhe janë”– tha Sula.
