Belind Këlliçi është zyrtarisht kandidati i PD-së për Bashkinë e Tiranës dhe në zgjedhjet e 14 majit do të përballet me Erion Veliajn.
Ky i fundit para pak kohësh e quajti Këlliçin “dhëndri ynë”, duke e thumbuar për lidhjen me vajzën e Artan Shkrelit. Këlliçi është një prej njerëzve më të afërt të Edi Ramës.
“Unë jam krenar për marrëdhënien që kam me Anën, 100 jetë të kisha do të isha prapë me Anën dhe këtë nuk e luan topi. Dhe më vjen mirë që akuza e vetme që është ndaj meje, është që kam dashuruar me zemër dhe që partneren time nuk ma ka zgjedhur as partia, as ndonjë fondacion si Sorosi apo ndonjë fondacion tjetër. E vetmja akuzë që më lëshohet mua është që pse nuk kam pyetur partneren time se çfarë bindje politike i ka babi apo mami, gjë që pak më intereson”– u përgjigj Këlliçi.
