Shqipëria shënon sot një moment tjetër historik në procesin e integrimit drejt Bashkimit Europian, me hapjen e grupkapitullit të fundit të negociatave në Konferencën e 7-të Ndërqeveritare Shqipëri–BE, që u mbajt këtë të hënë në Bruksel.
I pranishëm në këtë Konferencë ka qenë edhe kryeministri Edi Rama i cili theksoi se aspirata për anëtarësim në BE mbetet dëshira e pothuajse të gjithë qytetarëve shqiptarë dhe se kjo rrugë shihet gjerësisht si horizonti më i mirë për të ardhmen e vendit dhe të brezave të rinj.
Nga ana tjetër Komisionerja Marta Kos, vlerësoi progresin e Shqipërisë, duke theksuar se rezultatet e deritanishme janë meritë e punës së bërë nga vetë vendi dhe nga kryeministri Edi Rama ndaj të cilit nuk i kurseu lavdet as publikisht.
Sipas saj, Shqipëria përfaqëson një shembull se si duhet të funksionojë procesi i anëtarësimit, me një udhëheqje që fokusohet tek e ardhmja dhe tek zgjidhjet.
“Është se kjo është falë gjithë punës saj, ne mund të ndihmojmë, të jemi krah jush, por jeni ju që jepni rezultate. Dhe në momentin që keni marrë statusin kandidat është përgjegjësia juaj që të keni sukses. Nuk është e vështirë të jesh pozitiv, sepse ju jepni rezultate. Nëse do na duhet një rast se çfarë është procesi i anëtarësimit të BE duhen hedhur sytë nga ana juaj, te Edi Rama keni një udhëheqës që nuk i kthehet të shkuarës, jeni udhëheqësi që shikon nga e ardhmja dhe gjen zgjidhja”, tha Komisionerja e BE duke theksuar se Europa është e gatshme të mbështesë Shqipërinë në këtë rrugëtim dhe se Bashkimi po “përgatit një shtëpi për të” në strukturën europiane.
