Veprimi që bëri Luizi me Kiarën duke e vendosur mes dy lavamanëve e duke mos e lejuar të dalë ka sjellë debate të forta mbrëmjen e sotme në “Prime”.
Vajzat e konsideruan si dhunë veprimin e Luizit i cili teksa po jepte shpjegimet e tij herë pas here ndërpritej nga Olta.
“Mos më ndërprit fjalën, të thashë boll! Do t’i hash të gjitha nervat që kam tani”, iu kthye Luizi Oltës.
Përgjigja e Luizit shkaktoi dhe reagimin e ashpër të Arbanës, e cila ia përsëriti dy-tre herë: “Çfarë është ky komunikim kështu Luiz, o Luizi cfare po thua?”. Kjo nuk është hera e parë që produksioni i Big Brother del kundër personazhit më të pëlqyer të publikut.
