Kryeministri Edi Rama ka kërkuar nga Fieri që të thyhet rekordi i triumfit të PS-së në zgjedhjet e 11 majit.
Teksa nga një takim i sotëm ku prezantoi kandidatët për deputet, Rama u shpreh se PD dhe opozita nuk kanë asnjë shans përballë të majtës në këtë qark.
“Në Fier do thyejmë rekord në vota. Në Fier nuk ka shans askush tjetër, përpos PS. Ata nuk kanë çfarë të fitojnë. Kush nuk voton PS-në, hedh votën kot. Do jetë rezultat spektakolar. Objektivi ynë është minimumi 10 deputetë. Pastaj, nëse punojmë më fort, mund të kemi edhe më shumë se kaq deputetë në parlament”, u shpreh Rama.
Më tej, shefi i qeverisë u ndal te lista e kandidatëve të Partisë Demokratike, duke e cilësuar humbëse dhe u shpreh se Sali Berisha po përgatit fjalimin e disfatës për në 12 Maj.
