Në vitin 2016 filloi reforma në drejtësi e cila ka sjellë një sërë problemesh për njerëzit e thjeshtë si dhe për politikanët e korruptuar, të cilët duhet të kalojnë nga porta e drejtësisë.
Avokati Arben Llangozi ka bërë një përmbledhje rreth sistemit gjyqësor në Shqipëri. Nga njerëzit e thjeshtë e deri tek dosjet “VIP.
“Kemi hallexhinjtë që vuajnë në dyert e gjykatave dhe “ferrin” që po hapet për njerëzit e pushtetshëm, politikanët dhe krimin e organizuar”, tha avokati.
Avokat Llangozi parashikon një verë me temperatura të larta përsa i përket Prokurorisë së Posaçme.
“Janë një serë dosjesh të nxehta që janë tashmë në SPAK duke u hetuar. Nga disa prokurime publike të cilat janë përfituar nga oligarkë të ndryshëm. Kemi disa kryebashkiakë të cilët po hetohen dhe të tjerë që do hetohen nga SPAK“, tha ai.
