Një valë e nxehti e pazakontë ka përfshirë Europën, duke sjellë temperatura përvëluese që në shumë vende tejkalojnë 40°C.
Në një hartë të publikuar nga Agjencia e Sigurisë Shëndetësore e Britanisë së Madhe, Europa është ngjyrosur thuajse totalisht në ngjyrë të kuqe, për shkak të temperaturave të larta.
Vendet e rajonit bëjnë pjesë në zonën më të rrezikuar. Shqipëria, bashkë me vendet fqinje si Greqia, Maqedonia e Veriut, Serbia dhe Bullgaria, ndodhen në mesin e zonës së kuqe të hartës – që përfaqëson temperaturat nga 30°C deri mbi 40°C. Kjo valë nxehtësie mund të rrezikojë shëndetin e qytetarëve si dhe burim për zjarret.
Ekspertët u kanë bërë thirrje banorëve dhe pushuesve që të qëndrojnë në ambiente të freskëta dhe të shmangin ekspozimin në diell gjatë orëve kritike.
Ndryshimi i klimës ka shkaktuar rritje të temperaturave të verës dhe mot ekstrem që tani thyen rekorde pothuajse çdo vit në Evropë.
