Cristiano Ronaldo po mendon nënshkrimin për Al Nassr në Arabinë Saudite pasi sulmuesi ndodhet në Dubai. Zhgënjimi në Kupën e Botës me Portugalinë është tani pas tij dhe ai e ka mbyllur me stërvitjet në Valdebebas, qendra stërvitore e Real Madridit.
Në Riad presin që ai të nënshkruajë marrëveshjen dhe të bëhet lojtar i Al Nassr deri në qershor të vitit 2025. Siç ka mësuar MARCA, lëvizja pritet të ndodhë në vitin 2022, pra para vitit të ri. Al Nassr së fundmi ka marr pozitën e parë në kampionatin saudit nën drejtimin e Rudi Garcia. Oferta është për dy sezone e gjysmë me një pagesë për sezon rreth 200 milionë euro, mes marrëveshjeve të pagave dhe reklamave.
Në Arabinë Saudite, ardhja e Cristiano Ronaldos konsiderohet një nënshkrim shtetëror, një operacion që do ta vendoste vendin në hartën e futbollit botëror, me aspiratën për të pritur Kupën e Botës 2030. Cristiano po përfiton nga Krishtlindjet për të kaluar disa ditë pushimi në Dubai.
