Dy automjete janë përplasur ‘kokë më kokë’ duke u bërë copash. Siç duket nga pamjet përplasja ka qenë shumë e fortë saqë njëri nga automjetet është ndarë më dysh.
Ngjarja ka ndodhur në fshatin Shkallë të Xibrit teksa dy automjetet po qarkullonin në drejtime të ndryshme.
Si pasojë e përplasjes dy drejtuesit e mjeteve janë dërguar me urgjencë drejt spitalit të traumës ku mësohet se një 25 vjeçar është në gjendje shumë të rëndë.
Ndërkohë është dashur ndërhyrja e Shërbimit Zjarrfikës për të nxjerrë të plagosurit nga automjetet. Policia ka mbërritur në vendin e ngjarjes dhe ka nisur hetimet për zbardhjen e shkaqeve të aksidentit.
