Pas arrestimit të Veliajt, Sali Berisha për herë të parë ndau një qëndrim në mbështetje të drejtësisë së SPAK dhe GJKKO.
Pavarësisht se nga mëngjesi deri në darkë Saliu e quan SPAK-un “organizatë kriminale”, Berisha ka befasuar me paralajmërimin se nëse mbështetësit Socialiste organizojnë protesta kundër organeve të drejtësisë, PD do të organizojë një kundër-protestë në Surrel.
“Edi Rama dhe Erion Veliaj që organizuan në mënyrën më të turpshme, më kriminale, më të padenjë rrethimin e institucioneve të drejtësisë dhe sulmin fizik ndaj prokurorëve dhe gjykatësve, mbajtjen peng në ndërtesë për orë të tëra, kanë kryer akte të tjera, për të cilat janë mbështetur dhe duartrokitur. Unë i jap ultimatum Edi Ramës: “Mos guxo të organizosh protestë tjetër, sepse opozita do të përgjigjet me një kundërprotestë që ti nuk mund ta imagjinosh. Mos guxo, mbaje mend këtë. Po thirrje protestë, do thirret protesta përfundimtare për ty. Po shkojmë drejt zgjedhjeve, ki kurajën të përballesh me votën e shqiptarëve”, tha Berisha.
