Seksioni i imigracionit në Gjykatën e Romës vendosi që emigrantët, të cilët mbërritën dy ditë më parë në portin e Shëngjinit me anijen “Libra” të Marinës italiane, të rikthehen në Romë, pasi Bangladeshi dhe Egjipti nuk janë “vende të sigurta”.
Edhe pse kërkesa për azil e 12 emigrantëve që u vendosën në Gjadër është refuzuar nga vendi fqinj, sipas vendimit të Gjykatës së Romës ata do të duhet të kthehen mbrapsht dhe do të kenë 14 ditë kohë për të apeluar vendimin.
Vendimi i Gjykatës së Romës është një zhvillim i brendshëm i shtetit Italian që bazohet në një vendim të Gjykatës Evropiane të Drejtësisë më 4 tetor për azil kërkuesit e vendeve të pasigurta.
Meloni, e cila pasi mori lajmin gjatë vizitës së saj në Liban, komentoi për mediat vendimin e gjykatës duke thënë: “Është e vështirë të punosh dhe të përpiqesh t’i japësh përgjigje këtij kombi kur ke edhe kundërshtime nga një pjesë e institucioneve”.
“Unë nuk mendoj se është përgjegjësi e gjyqësorit të përcaktojë se cilat vende janë të sigurta dhe cilat jo. Është përgjegjësi e qeverisë, kështu që mendoj se qeveria duhet të sqarojë më mirë se çfarë do të thotë një vend i sigurt”, shtoi kryeministrja italiane
