Pas paralajmërimit mbrëmjen e djeshme, produksioni i Big Brother VIP ka vendosur mos tolerojë askënd dhe ka treguar “dorë të hekurt” duke përjashtuar dy konkurrentë brenda ditës.
Pas Ermionës, radhën e kishte aktorja Eva Alikaj e cila është skualifikuar nga gara e Big Brother, pas toneve kërcënuese pasditen e sotme ndaj Luizit. Eva pati një debat me Kristin dhe ngritja e toneve zgjoi Luizin nga gjumi. Ai iu drejtua më pas Evës duke i thënë se nuk do e lërë as ai të flejë në darkë sepse do bëjë muhabet me zë të lartë.
“Do ulem, do bërtas me sa të kem mundësi. Sa të fiken dritat më ke aty duke mbajtur fjalime”, tha Luizi. Mirëpo, kjo gjë ka nervozuar Evën e cila ka shpërthyer menjëherë duke kërcënuar Luizin se do t’ia çante kafkën me sende të forta.
“Nuk keni shans. Bëj muhabet ti, kur ta hash këtë (mikrofonin) kokës. Ia çaj kafkën të ma bëjë kastile. Ju doni të më luftoni mua. S’keni shans. Nuk ka as djali im. Dinjitetin, krenarinë…as i dashuri im, as djali im”, tha Eva Alikaj.