Për javën që po nisim, vendi ynë do të ndikohet nga kushte atmosferike relativisht të paqëndrueshme me masa ajrore të lagështa.
Sipas Shërbimit Meteorologjik Ushtarak, dita e Hënë nis me mot të kthjellët e alatrnime vranësirash. Dita e Martë dhe e Mërkurë mot me alternime vranësirash e intervale kthjellimesh si dhe prani të reshjeve të shiut me intensitet të ulët në jug.
Dita e Enjte nis e kthjellët me alternime vranësirash në shtim. Dita e Premte moti pritet të jetë i vranët me intervale kthjellimi.
Në ekstremet veri-jug priten reshje shiu. Në jug reshjet e shiut priten të jenë me intensitet të ulët, ndërsa në veri me intensitet të ulët e lokalisht mesatar në formën e shtrëngatave afatshkurtra.
