Presidenti Francez Emanuel Macron do të vijë për herë të dytë në Shqipëri në një vizitë zyrtare dhe kjo është një ngjarje e pandodhur më parë në historinë e vendit tonë.
Duke shfrytëzuar Samitin e 15-16 majit të Këshillit Europian, presidenti Macron, vec samitit do të ndjekë një axhendë zyrtare në vendin tonë.
Lajmin e dha Ministri për Europën i Francës Benjamin Haddad që ka ardhur në Shqipëri për tu marrë me organizimin e kësaj vizite.
Presidenti Macron shkeli për herë të parë në Shqipëri në 16 tetor 2023, e para vizitë zyrtare e një presidenti francez në vendin tonë. Pritja e bërë në Tiranë për Macron ishte madhështore, e u pasua nga një ceremoni për nderimin e Ismail Kadarese, që iu dha edhe titulli Oficeri i lartë i Legjionit të Nderit nga presidenti Macron.
