Kreu i PD-së në Greqi Andreas Lloverdhos i shoqëruar nga Vangjel Dule, vizituan në burg kreun e zgjedhur të bashkisë së Himarës, Fredi Belerin.
Dule tha se gjendja shëndetësore e Belerit është e mirë dhe ai po jep leksione durimi dhe rezistence.
”Gjendja shëndetësore e Belerit është shumë e mirë, por ajo që është më e rëndësishme është morali i Belerit. Pavarësisht se është në mënyrë të padrejtë më shkelje të çdo norme, të çdo parimi. Beleri është i rrëmbyer, por pavarësisht kësaj po jep leksione durimi, rezistence dhe vendosmërie për demokracinë dhe zgjedhjet e lira. Nuk mund të bëhet fjalë për shtet të së drejtës, për norma demokratike, dhe për ligjshmëri të respektuar në rastin e çështjes Beleri”, tha Dule.
