Kryeministri Edi Rama ka pritur në zyrë mesditën e kësaj të premteje Helidon Bendon, drejtorin e Shërbimit Informativ Shtetëror, për të cilin thotë se ka dhënë dorëheqjen nga posti sepse po ndjek studimet postuniversitare në Amerikë.
Më tej, kryeministri bën me dije se pas përfundimit të studimeve në Kolegjin e Studimeve Ndërkombëtare e të Sigurisë në SHBA, Helidon Bendo do të angazhohet si këshilltar i kryeministrit për reformën e institucioneve të sigurisë.
“Me Helidon Bendon, Drejtorin e Shërbimit Informativ të Shtetit, i cili për arsye të vazhdimit të studimeve pasuniversitare në Kolegjin e Studimeve Ndërkombëtare e të Sigurisë, pranë Universitetit Kombëtar të Mbrojtjes në Shtetet e Bashkuara, ka dorëzuar dorëheqjen. Ai do të angazhohet në vijim si këshilltar i kryeministrit për reformën e institucioneve të sigurisë”, shkruan Rama.
