Kryeministri Edi Rama gjatë konferencës së përbashkët me presidenten e Komisionit Europian, Ursula von der Leyen është pyetur për herë të parë në lidhje me arrestimin e Ilir Metës.
Kryeministri Edi Rama deklaroi se ai dhe forca e tij politike nuk bëjnë komente për çështje që i takojnë drejtësisë së re.
Arrestimi i Ilir Metës? “Ju e dini përgjigjen, dhe në këtë rast që unë asnjëherë nuk bëj komente të politikës së brendshme në gjuhë të huaj apo edhe kur në krah kam miq të huaj. Por edhe për faktin se qysh se ne e kemi nisur reformën në drejtësi as unë dhe as forca politike që udhëheq nuk bën komente për çështje që i takon drejtësi. Kur ndodh që çështjet të përmbyllen, ndodh që ndoshta në ndonjë rast të ketë ndonjë koment kur drejtsësia vihet në vend, siç është shpifja“, tha Rama.
